A do lejohet Tom Doshi të kandidojë për 25 prillin? Rama reagon pas paralajmërimit të Yuri Kim

Kryeministri Edi Rama u pyet sot gjatë konferencës nga gazetarët nëse në zgjedhjet elektorale të 25 prillit do të lejohet apo jo kandidimi i Tom Doshit, pas paralajmërimit që bëri dje ambasadorja e SHBA në vendin tonë Yuri Kim.

Ai tha se nuk ka ndërmend të japë përgjigje sa herë që do pyetet për diplomaten amerikane.

Kreu i qeverisë akuzoi mediat se i kanë keqpërdorur deklarimet e tij duke krijuar një situatë të paqenë.

“Nuk ka nevojë të më kujtoni Ambasadoren lidhur me zbatimin e detyrave të mia si Kryeministër. Mos e përdorni ambasadoren si karrem për të krijuar gjëra të paqena”, tha Rama.