Vodhi dhe shpërndau pa autorizim bombula oksigjeni, merret vendimi për 26-vjeçarin

Gjykata e Kavajës ka vendosur masën arrest me burg ndaj Mensur Shtyllës, oksigjenist i spitalit të Kavajës.

26-vjeçari akuzohet nga prokuroria se vodhi 24 bombula osigjeni nga depoja e spitalit dhe ja dhënë më pas të afërmve të personave që janë të prekur nga koronavirusi.

Grupi i hetimit pak ditë më parë vendosi ti ndryshojë akuzën Mensur Shtyllës, nga “Shpërdorim detyre” në “Vjedhje duke shpërdoruar detyrën”.

Bëhet me dije se Shtylla para grupit hetimorë ka thënë se ka marrë bombula oksigjeni dhe ua ka dhuruar personave në nevojë dhe se gjithacka që ka bërë e ka bërë për humanizëm.

“Kam rreth 16 muaj që punoj në spitalin e Kavajës me detyrë oksigjenist. Kam marrë bombola nga spitali dhe i kam dhënë banorëve të ndryshëm të Kavajës, për shkak të nevojave që kanë pasur, pasi si qytetar i Kavajës kisha njohje me ta. Unë kam vepruar vetë, kam pasur kopje çelësi dhe nuk kam bashkëpunuar me ndonjë person tjetër dhe nuk kam njoftuar eprorët e mi për këto veprime që kam kryer. Gjithçka e kam bërë për humanizëm” ka thënë ai.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kallëzimi në polici është bërë nga vetë spitali i cili ka zbuluar këtë shkelje dhe e ka pezulluar të riun që prej datës 11 Janar.