Vjehrri ka tentuar të varë veten me litar/ Vëllai i nuses kërcënon edhe Eni Çobanin

Këtë të dielë, në seancën e ndërmjetësimit “Shihemi në Gjyq” në Tv Klan kanë qenë dy vëllezër. Ato kërkojnë të drejtën e pronësisë së shtëpisë që i ka lënë nëna e tyre trashëgimi.

Ishte viti 2009 kur Kasemi mori një kredi në vlerën 5 milion lekë të vjetra, deri në vitin 2016 Kasemi e ka paguar,. Nga ky vit e më pas, ai thotë se ka pasur probleme familjare dhe nuk i ka paguar më. Ai nuk ka marrë asnjë  kërkesë apo njoftim nga banka për të paguar pjesën tjetër të kredisë dhe në vitin 2019-2020 fillojnë procedurat e ankandit të banesës.

Një situatë e tillë ka shkaktuar debate të shumta në familje, pasi sapo shtëpia ka dalë në ankand, ka qenë nusja e djalit të Kasemit, Hajria e cila e bleu. Ajo dëshiron që ta nxjerrë Kasemin nga shtëpia që ka marrë dhe urdhër mbrojtje pasi nusja thotë që është pronare dhe duhet të dalë jashtë, ndërkohë që shtëpia është e ’48-ës të Kasemit dhe Safetit .

Në 8 vite martesë me djalin e Kasemit, Hajria nuk ka vendosur asnjë ndihmë në shtëpi, madje ajo ka qenë e papunë. Natyrshëm lind pyetja si e ka blerë ajo shtëpinë që kishte dalë në ankand dhe ku i gjeti lekët.

“Unë kam 1 letër këtu që do mi përgjigjet banka dhe përmbarimi. Për 1 milion e gjysmë lekë të papaguara nga zoti Kasem Jugu shitet banesa dhe e merr nusja e Gazmentit. Këtu them të drejtën ka habi sepse si ka mundësi që ofertuesi i parë qenkeni vetëm ju, nuk janë njoftuar të 6 fëmijët e Merhemes”, është shprehur Eni Çobani .

Nusja e Kasemit nuk ka preferuar të bisedojë në telefon dhe Eni Çobani tregon se asistentët e saj janë kërcënuar në telefon nga vëllai i Hajries.

Ai e kërcënon dhe Kasemin dhe i kërkon të dalë nga shtëpia. Kasemi ka treguar se nga mërzia dhe presioni ka tentuar edhe të vetëvritet.