LIGJET E BIZNESIT
Edhe pse kanë kaluar tre muaj pas vdekjes së legjendës së futbollit Diego Armando Maradona, ende shumë mistere vijojnë të mbeten të pazgjidhura.
Bëhet fjalë për luftën e trashëgimisë midis ish-gruas Claudia Villafane, fëmijëve të tij të njohur – Dalma, Giannina, Diego, Jana dhe Diego Fernando – dhe atyre që po luftojnë për t’u njohur si anëtarë të familjes është bërë skena më e nxehtë.
Zhurma e madhe është krijuar në lidhje me trashëgiminë, pasi futbollisti i madh nuk ka lënë një testament dhe vlera monetare e pasurive të tij të patundshme në të gjithë botën është jashtëzakonisht e vështirë për tu llogaritur.
Pasuritë janë të ndryshme, që nga makina e Amfiber Hunta Overcomer te unaza me diamant që iu dha gjatë kohës së tij si president i Dynamo Brest, deri te një Rolls Royce Ghost.
Sipas web faqes së specializuar për pasurit e të njohurve, Celebrity Net Ëorth, thuhet se Maradona ka pasuri që vlerësohen rreth 75 milionë dollarë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Mister më i madh që mbetet ende i pazgjidhur, janë dy kasafortat e tij në Dubai, të cilat janë ende në Emiratet e Bashkuara Arabe.
“Këto janë gjëra që Diego mbajti dhe vetëm ai e dinte se çfarë kishte; mund të ishin dirhemë [monedha e Emirateve të Bashkuara Arabe], orë, dollarë ose asgjë”.
“Kasafortat kanë qëndruar atje dhe ato nuk u hapën kurrë dhe nuk janë hapur për dy vjet”, ka thënë një mik i ngushtë i Maradona për Infobae.
Tani familjarët e Diego Armando Maradonas janë sy e vesh në Dubai për të marrë vesh ndonjë informacion të ri.
