LIGJET E BIZNESIT
Banorët e zonës së Ali Demit pasditen e sotme janë terrorizuar nga disa të shtëna me armë zjarri.
Mësohet se një person i armatosur ka kërcënuar kalimtarët.
Deri më tani nuk është raportuar asnjë i lënduar, ndërkohë që personi në fjalë, në momentin që ka parë policinë ka hedhur armën në tokë dhe ka tentuar të largohet me vrap.
Ai është kapur gjatë ndjekjes nga ana e efektivëve të policisë, dhe arma që posedonte është sekuestruar. Po dërgohet në komisariat për të verifikuar kush është dhe në vijim do ti pritet edhe fleta e arrestit.
Ndërkohë uniformat blu kanë dalë me një reagim zyrtar për ngjarjen në fjalë, por në njoftim nuk bëhet e ditur që ka patur të shtëna me armë zjarri.
NJOFTIMI ZYRTAR I POLICISE
Qarkullonte me armë zjarri me vete, por falë dhe bashkëpunimit me qytetarët, Policia lokalizon dhe vë në pranga 30-vjeçarin.
Sekuestrohet në cilësinë e provës materiale një armë zjarri pistoletë.
Si rezultat i rritjes së besimit të qytetarëve tek Policia, është marrë informacion se një i ri po qarkullonte me armë zjarri në zonën e Ali Demit.
Menjeherë u organizuan shërbimet e Policisë për lokalizimin dhe kapjen e personit.
Si rezultat i reagimit të menjëhershëm , shërbimet e Komisariatit të Policisë Nr.1, në bashkëpunim me Forcën e Posaçme “Shigjetat”, bënë të mundur që në lagjen “Ali Demi” të lokalizonin personin e dyshuar, i cili sapo ka parë shërbimet e Policisë ka hedhur armën e zjarrit në tokë dhe ka tentuar të largohet me vrap, por gjatë ndjekjes është kapur dhe prangosur nga shërbimet e Policisë.
Në përfundim të veprimeve të para hetimore u bë arrestimi në flagrancë i shtetasit R.L., 30 vjeç, dhe materialet do ti kalojnë Prokurorisë së Rrethit Gjyqësor Tiranë, për veprime të mëtejshme.
