LIGJET E BIZNESIT
Zhvillime të forta vinë pas skandalit që ndodhi ditë më parë në spitalin “Shefqet Ndroqi”.
Mësohet se Prokuroria e Tiranës ka nisur të shtrijë hetimet dhe mbi personelin mjekësor të këtij institucioni.
Kujtojmë se ngjarja u denoncua në programin “Stop” ku sanitarja Tire Alldervishi u hoq si infermiere për të zhvatur vajzën e një pacienteje duke i marrë 8 milionë lekë për ti shërbyer së ëmës.
Organi i akuzës ka sekuestruar kamerat e sigurisë së spitalit për të parë se me kë kishte komunikim 55-vjecarja duke qenë se ajo nuk punonte si sanitare në pavionin ku ishte e shtuar pacientja që humbi jetën nga k oronavirusi.
Gjithashtu nga ana e prokurorisë janë sekuestruar edhe libri i shërbimeve për të parë se si ishin të ndara turnet dhe kush mjek dhe infermier ka pasur për detyrë të kujdesej për nënës e denoncueses. Gjithashtu prokuroria ka marrë kartelën e mjekimeve që i janë bërë pacientes për ta krahasuar me recetat e ilaçeve që i janë bërë. Për të vërtetuar nëse i janë dhënë të njëjtat medikamente, që sanitarja i ka dhënë denoncueses.
