Si të përgatisni çajin e livandës për një gjumë të qetë

Livanda është një nga bimët më të kërkuara në botë për aromën e saj karakteristike.

Kjo lule me ngjyrën e saj të veçantë lejla, konsiderohet gjithashtu si një bimë mjekësore.

Një nga vetitë e saj është qetësimi i trupit, ndaj dhe e bën çajin e livandës pijen perfekte para gjumit.

Gjithçka lidhet me vetinë e kësaj bime për të qetësuar muskujt dhe sistemin nervor, duke e vënë atë në një gjendje paqeje.

Sipas të dhënave më të fundit të Organizatës Botërore të Shëndetit, rreth 70 milionë njerëz vuajnë nga një problem që lidhet me gjumin.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Pagjumësia sigurisht që sjell pasoja të rënda në organizëm duke shkaktuar edhe sëmundje më të rënda.

Konsumimi i çajit të livandës para gjumit e ndihmon trupin tuaj të qetësohet dhe kështu ju bëni gjumë të patrazuar.

Livanda nxit prodhimin e dopaminës dhe redukton hormonin e stresit që njihet si kortizol.

Receta e Përgatitjes së Çajit Klasik me Livandë

Përbërësit

3 gota ujë

2 lugë çaji me lule livande të freskët ose të thatë

Përgatitja

Hidhni ujin në një ibrik dhe lëreni të ziejë.

Sapo të shihni bulëza që formohen në sipërfaqen e ujit largojeni atë nga zjarri.

Vendosni lulet e livandës në një filtër çaji dhe futeni në një filxhan.

Shtoni aty ujin e valuar dhe lëreni 8-10 minuta.

Sa më shumë që t’i lini lulet e livandës në filxhan aq më i fortë bëhet çaji.

Më pas mjafton që të largoni filtrin e çaji dhe t’i jepni shije me mjaltë apo pak lëng limoni.

Pijeni këtë çaj para se të flini dhe do të shihni që gjumi juaj do të jetë i qetë dhe i patrazuar.

Madje nëse dëshironi mund ta bashkoni edhe me lule kamomili për një efekt akoma edhe më të fortë./AgroWeb.org