Pse nuk tregohet vendi nga ka ardhur vaksina? Manastirliu shpjegon arsyen pse mbahet sekret

Edhe ministrja e Shëndetësisë Ogerta Manastirliu ka preferuar ta mbajë sekret emrin e shtetit që i ka dhënë Shqipërisë dozat e para të vaksinës anti-C OVID19.

Duke qenë se kjo ishte një nga pyetjet që u bë më shumë sot, ministrja ka vendosur të shpjegojë dhe arsyet.

Sipas saj emri është kërkuar që mos bëhet publik nga vetë shteti dhurues.

Manastirliu thekson se një arsye është dhe fakti që dozat mund ti kërkonin dhe vende të tjera, ndërkohë që ishte vendosur që ato ti kalonin Shqipërisë.

“Kemi ruajtur një marrëveshje konfidencialiteti me vendin që na ka dhuruar këto vaksina. Nuk do të bie në përsëritje. Rama e shpjegoi edhe arsyen e vendit mik që ka treguar solidaritetit. Vendi ka kërkuar që të ketë konfidencialitet. Një arsye mund të jetë që vendet e tjera mund t’i duan dozat që kemi marrë ne, dhe vendi ka zgjedhur t’ja japë Shqipërisë”, deklaroi Manastirliu në emisionin “Open”.