“Pritet një tendencë…” Eugena Tomini tregon çfarë do të ndodhë me virusin gjatë javës në Shqipëri

Përditë raportohen shifra të larta nga rastet e reja të C OVID19 në Shqipëri.

Por gjithsesi numri i personave të shtruar në spital mbetet i ulët.

Këtë situatë ekspertët e shpjegojnë duke e lidhur me rënien e agresivitetit të virusit, edhe pse në shumë shtete po merren masa të rrepta pas qarkullimit të variantit të ri.

Shefja e epidemiologjisë në Institutin e Shëndetit Publik, Eugena Tomini thotë se kemi ulje të vdekjeve dhe të hospitalizuarve.

“Ka transmetim komunitar dhe ndërkohë duket një ulje të agresivitet të shprehur që kërkon trajtim spitalor”, shprehet ajo.

E pyetur se si i shohin ekspertët luhatjet e kurbës së të infektuarve dhe rritjes së shifrave, Tomini thotë se kjo situatë do të vijojë edhe për një javë.

“Pritet një tendence në rritje në këto tre javët e parë të muajit Janar. Gjithsesi luhatjet e kurbës epidemike janë edhe sjellje fiziologjike të virusit dhe varet nga hetimi epidemiologjik, numri i rasteve që kërkojnë referencë. Prandaj hera herës kanë dhe luhatje të pozitivitet të konfirmuar kundrejt referimit”.