LIGJET E BIZNESIT
Pas protestave të dhunshme dhe situatës së tensionuar ku mbështetësit e Donald Trump u futën brenda Kongresit, ka reaguar dhe presidenti i zgjedhur në SHBA Joe Biden.
Ky i fundit deklaroi se po sulmohet demokracia, pasi skenat e sulmit nuk e përfaqësojnë Amerikën.
“Demokracia jonë është nën sulm. Një sulm ndaj të zgjedhurve të vendit. Një sulm ndaj forcave të rendit. Më lejoni të jem i qartë skenat e sulmit nuk përfaqësojnë Amerikën e vërtetë. Shohim një numër të vogël ekstremistësh.
Kjo është anarki, është kaos. I kërkoj kësaj turme që të tërhiqet në mënyrë që demokracia të ecë përpara.
I kërkoj presidentit Trump që të dalë në televizion që të mbajë betimin e tij ndaj Kushtetutës dhe të kërkojë që kjo kapje e Kapitolit të përfundojë.
Është kërcënuar siguria e zyrtarëve. Jam i shokuar që kombi ynë që ishte një fener ndriçues i demokracisë në botë ka mbërritur deri këtu”, u shpreh Joe Biden.
