“Po ja fut kot, ke harruar mjekësinë” Shefja e ISHP përplaset keq me ish-deputetin: Qetësohu, s’po më le të flas

Pas lajmit të infektimit të mjekut infeksionist Pëllumb Pipero 14 ditë pasi bëri vaksinën anti-C OVID19, tema që është diskutuar më shumë mbrëmjen e djeshme është se sa e mbron ky injeksion organizmin nga virusi.

Të ftuar në programin “Open”, janë përplasur në debat e sipër ish-deputeti por njëkohësisht dhe mjek Tritan Shehu me shefen e Institutit të Shëndetit Publik Silva Bino.

Shehu hodhi akuza se nuk dihet se si vaksina është sjellë në Shqipëri dhe a kanë pasur mbrojtjen e duhur për të ruajtur cilësinë e tyre.

Ai hasi në kundërshti me Silva Binon e cila reagoi ashpër duke i thënë: “Ke harruar mjekësinë, po ja fut komplet kot dhe je në gabim”.

“Po qetësohu fillimisht, se kështu nuk do dëgjohemi, s’po më le të flas, unë nuk thashë që ka efekt anësor vaksina, nuk më ke dëgjuar mirë, se doktoresha nuk i di rregullat e vigjilencës së barnave,” u përgjigj Shehu.