Planifikuan sulm terrorist në Shqipëri, 31-vjeçarit i ndodh e papritura

Një gjykatë në Gjermani ka dënuar me 7 vite burg një person që kishte planifikuar sulme terroriste në Gjermani dhe Shqipëri.

Sipas agjencisë së lajmeve “DPA”, i pandehuri 31-vjeçar së bashku me një grup personash nga Taxhikistani kishin si synim një sulm në vendin tonë, por policia ra në gjurmët e grupit, duke parandaluar një katastrofë të mundshme.

Ky grup, i cili dyshohet se ka lidhje me organizatën terroriste ISIS kishte planifikuar të vriste një individ afër Dysendolfit, i cili ishte kritik ndaj Islamit.

Para vendimit të gjykatës, ai bëri një dëshmi të pjesshme dhe kërkoi falje, duke thënë se i vjen tmerrësisht keq.

Prokurorët federalë kishin kërkuar një dënim prej tetë vjet e gjysmë, ndërsa mbrojtja nuk u deklarua për kohëzgjatjen e dënimit, por hodhi dyshime në disa pika kryesore të aktakuzës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern