Pas debatit me presidentin Halili, Nevil Dede largohet nga Tirana. Ja arsyeja e fortë

Zhvillime të reja nga ekipi i Tiranës.

Mësohet se është larguar trajneri Nevil Dede.

Ky i fundit ka marrë këtë vendim pikërisht para nisjes së sfidës Tirana-Laçi. Arsyet ende nuk dihen, por mësohet se vendimi për largimin vjen pas një takimi mes Dedes dhe presidentit të klubit, Refik Halili.

Dede shkoi për të takuar Halilin para sfidës ku do të diskutohej për formacionin. Më pas, Dede doli nga takimi dhe shkoi te dhomat e zhveshjes, nga ku doli për t’u larguar nga stadiumi. Përplasja thuhet se lidhet me futjen në ndeshje të lojtarit Enes Kuka.

Trajneri Nevil Dede mori drejtimin e ekipit në nëntor të vitit 2020, pas shkarkimit të ish-trajnerit Emanuel Egbo.

Kjo ishte hera e tretë që Dede mori drejtimin e Tiranës. Më herët në të shkuarën, Dede e drejtoi ekipin për 4 muaj në tetor të vitit 2010, për t’u larguar e rikthyer sërish në vitin 2013. 45-vjeçari ka drejtuar edhe disa ekipe të tjera si Laçi, Kastrioti dhe Luftëtari.