Parashikimi i motit/ Temperaturat bien ndjeshëm por zbuloni çfarë ndodh me reshjet e shiut

Moti ditën e sotme vjen i alternuar me kthjellime dhe vranësira.

Për pasojë do të sjellë një kohë të paqëndrueshme të shoqëruar me reshje  në të gjithë territorin.

Por në krahasim me ditët e mëparshme reshjet do të kenë intensitet më të ulët.

Ndërsa në zona e thella malore reshjet do të jenë në formën e dëborës.

Sipas parashikimit të Meteoalb, sot temperaturat do të pësojnë një rënie të ndjeshme, ku do të variojnë: në zonat malore, nga -6°C në 02°C, në zonat e ulëta nga 01ºC në 08°C dhe në zonat bregdetare nga 04°C në 10°C.

Era do të fryjë në drejtim Veriperëndimor ndërsa forca e valëzimit në det do të jetë 3 ballë.

Kosova sot do të mbizotërohet nga alternime vranësirash dhe kthjellimesh të cilat do të sjellin mot të paqëndrueshëm i shoqëruar me reshje në të gjithë territorin. Temperaturat do të pësojnë një rënie të lehtë ku do të variojnë: në zonat malore nga -4°C në 01°C dhe në zonat e ulëta nga -1°C në 04°C.