Nuk do ta besoni sa vjeç mbush/ Gruaja më e vjetër në botë feston ditëlindjen, zbulon ushqimet që e mbajnë në formë

Ajo është gruaja më e vjetër në botë.

Bëhet fjalë për japonezen Kane Tanaka, e cila sot feston ditëlindjen sot dhe mbush plot 118 vjeç.

E lindur në 2 janar 1903, ajo ka hyrë dhe në Librin e Rekordeve Guinnes në mars të vitit 2019 si gruaja më e moshuar në planet.

Rezidente në një shtëpi të moshuarish në Fukuoka, Tanaka festoi ditëlindjen e saj duke falënderuar stafin dhe të gjithë njerëzit me të cilët ndan aktivitetet e përditshme aty.

Sipas raporteve të kësaj qendre, gruaja bën gjimnastikë të përditshme, është në gjendje të kryejë llogaritjet dhe është e apasionuar pas lojës së bordit japonez Reversi.

Tanaka zakonisht ka oreks të mirë, shpesh është e dhënë pas çokollatës dhe herë pas here kënaqet me një Coca Cola. Kur u pyet se cili ishte sekreti i jetëgjatësisë, Kanaka nuk hezitoi: “Hani ushqim të shijshëm dhe mos ndaloni kurrë së studiuari”.

Qëllimi i saj, është të arrijë 120 vjet.