‘Një ngjarje e madhe pritet’/Dita e dytë e Ramës në Turqi, paralajmërohet zbarkimi në Greqi

Sot kryeministri Edi Rama do të zhvillojë ditën e dytë të takimeve zyrtare në Turqi. Dje numri një i qeverisë shqiptare takoi presidentin turk Recep Tajip Erdogan, me të cilin zhvilloi edhe konferencën e përbashkët e liderëve të dy vendeve, ku u bënë me dije edhe se cilat ishin marrëveshjet e nënshkruara mes dy palëve.

Marrëveshjet parashikojnë ndërtimin e spitalit të Fierit, restaurimi i Xhamisë së Plumbit në Shkodër, bashkëpunimi mes Universitetit Neë York që është në pronësi të Fondacionit Marif me Universitetin e Stambollit.

Nga ana tjetër, vetë Erdogan foli për mbi 500 projekte me vlerë disa milionë dollarë ne restaurimin e objekteve fetare dhe marrëveshjen për arsimin që sipas ministres shqiptare, Evis Kushi ka për qëllim promovimin në një sërë drejtimesh si shkëmbimi i akademikëve, ekspertëve të arsimit dhe mësuesve.

Ndërkohë që sot është ende e nuk dihet agjenda e Ramës, megjithatë Dosja.al ka zbuluar se pas Turqisë, kryesocialisti do të zbarkojë në Greqi. Të njëjtat urime nga maxhoranca pohuan për Dosja.al, se vizita e Ramës do të prodhojë një ngjarje të madhe. Ende nuk mund të thuhet asgjë konkretisht, por kryeministri shqiptar edhe në të shkuarën ka qenë i gatshëm për të negociuar mes dy vendeve.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern