“Niveli më i lartë” Ilir Meta e nis ditën i alarmuar, ja çfarë po e shqetëson nga pandemia

Presidenti Ilir Meta e ka nisur ditën e sotme me një shqetësim, ku thekson se numri i të prekurve nga pandemia në vendin tonë është rritur.

Kreu i Shtetit ka publikuar të dhëna nga “Zëri i Amerikës”, dhe shkruan se numri i të prekurve nga pandemia arriti në 4830, ose 20.4 përqind më shumë se një javë më parë.

Ai shton se ky është numri më i lartë i shënuar, që pas javës së dytë të dhjetorit.

Ndër të tjera ai shkruan se nevojitet një plan i qartë për menaxhimin efikas të situates.

REAGIMI I PLOTE I PRESIDENTIT ILIR META

Sipas të dhënave zyrtare të përpunuara nga “Zëri i Amerikës”, numri i të prekurve nga pandemia arriti në 4830, ose 20.4 përqind më shumë se një javë më parë.

Ky është niveli më i lartë i shënuar, që pas javës së dytë të dhjetorit.

Nevojitet një plan i qartë, që duhet ta kishim prej kohësh, për menaxhimin efikas të situatës, përmirësimin e prekshëm të kushteve në spitale, rritjen e masave mbrojtëse për mjekët e infermierët dhe veçanërisht për vaksinimin e popullatës.

COVID-19 nuk ndalet me propagandë.

Shëndeti dhe jeta e shqiptarëve duhet të jenë prioritet absolut.