Nis vaksinimi i të burgosurve të Guantanamos/ Në “rradhë” edhe organizatori i sulmeve të 11 Shtatorit

Pentagoni ka marrë vendimin e rëndësishëm për të vaksinuar të burgosurit në Guantanamo.

Pjesë e vaksinimit do të jenë edhe të akuzuarit për sulmet e 11 shtatorit 2001, kur u rrëzuan Kullat Binjake.

Një nga prokurorët në çështjen e shtetit amerikan kundër 5 prej të akuzuarve u ka shkruar avokatëve mbrojtës  se një zyrtar në Pentagon ka firmosur një dokument në të cilin miratohet administrimi i vaksinës  të të burgosurive të Gantanamos.

Personeli ushtarak dhe ai mjekësor ka nisur që në datën 8 janar. Ishte administrata Trump që nuk kishte pranuar të thoshte nëse të burgosurit do të merrnin vaksinën anticovid.

Një prej emrave më famëkeq që ndodhen në burg është Khalid Sheikh Mohammed, i konsideruar si organizatori i sulmeve të 11 Shtatorit, ku humbën jetën 2976 amerikanë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Figura të tjera të terrorizmit islamik që qëndrojnë pas hekurave atje janë Encep Nurjaman, Mohammed Nazir Bin Lep dhe Mohammed Farik Bin Amin, të tre pjesëtarë të grupit ekstremist Jemaah Islamiyah, degë e Al-Qaedas në Azinë Juglindore.