Ndryshime në qeveri, Edi Rama bën lëvizjen e rëndësishme

Ditën e sotme, kryeministri Edi Rama ka organizuar një takim me Gent Cakajn dhe Olta Xhaçkën. Cakaj i ka dorëzuar Xhaçkës postin e Ministrisë për Europën dhe Punët e Jashtme.

Olta Xhaçka është shfaqur falenderuese dhe borxhlie ndaj Edi Ramës, gjatë momentit të marrjes së detyrës si ministre e jashtme nga Edi Rama dhe Gent Cakaj. Xhaçka tha se detyra që i është besuar është mjaft e rëndësishme në një vit historik për procesin e integrimit të vendit, ndërsa falenderoi Ramën dhe Cakajn për arritjet e deritanishme.

“I dashur Genti më lejo që të drejtohem miqësisht, i nderuar kryeminsitër, fillimi i vitit është moment i mirë për nisjen e projekteve të reja, kjo që më është besuar është një sfidë e jashtëzakonshme për mua. Pikësëpari dua të falenderoj nga zemra kryeministrin që më ka besuar këtë detyrë në një vit kaq të rëndësishëm që është për integrimin e vendit.

Kam shumë respekt për Gentin, jam shumë e privilegjuar që do të kem si këshilltar të dy ju, kryeministrin dhe Gentin, puna që keni bërë do e bëjë punën time shumë më të lehtë, edhe pse do e kem të vështirë që të ju zëvendësoj të dy ju.

Një gjë dua ta bëj shumë të qartë se puna nuk është kurrë mjaft. Parimi im në drejtim është që sa më lartë të jesh në dikaster, aq më shumë orë punë duhet të bësh. Nga kryeministri kam mësuar që nuk është mjaft ajo që bëjmë, kjo ministri duhet të shkëlqejë në çdo drejtim. Shkëlqimi i Shqipërisë në krye të OSBE-së është një shembull sesi mund të punohet më mirë.

Jam e bindur që kush ka pasionin e punës, do të jetë në habitatin e duhur me mua në krye të kësaj ministrie, të gjithë duhet ta ndjejnë motivimin për ti çuar të gjitha punët e mira përpara. Kam një borxh ndaj kryeministrit që më besoi, ndaj parlamentit që më votoi, dhe ndaj qytetarëve që më kanë besuar. U lutem përulësisht të gjithë anëtarëve të shërbimit të jashtëm të bëjnë më të mirën e tyre, dera ime do të jetë e hapur për këdo”, u shpreh Xhaçka gjatë fjalës së saj.