Ndodh në Korçë/ Hajdutët hyjnë në shtëpinë e kambistit, por ja si e pësojnë në fund

Një ngjarje e rëndë ka ndodhur orët e para të mëngjesit të sotëm në Korçë.

Mësohet se tre persona dyshohet se kanë hyrë në banesën e kambistit Sh.M.

Ngjarja u shënua në lagjen nr.1, në rrugën e “Bilbilave”.

Sipas informacioneve një nga autorët është arrestuar, ndërsa ndodhet për ndihmë mjekësore në Spitalin e Korçës, pasi ka marrë lëndime gjatë përplasjes fizike me kambistin dhe forcat e policisë, ku ka tentuar të shmangë kapjen nga ana e tyre, ndërsa dy të tjerët janë larguar.

NJOFTIMI ZYRTAR I POLICISE

Më datë 11.01.2021, rreth orës 06:10, në lagjen nr. 1, në rrugën e “Bilbilave”, Korçë, tre persona dyshohet se nën kërcënimin e armës i kanë vjedhur me dhunë shtetasit Sh. M., me profesion kambist, një sasi lekësh para banesës së tij.

Reagimi i menjëhershëm i Policisë, bëri të mundur ndalimin e njërit prej autorëve të dyshuar të ngjarjes, i cili ndodhet aktualisht për ndihmë mjekësore në Spitalin e Korçës, pasi ka marrë lëndime gjatë përplasjes fizike me kambistin dhe forcat e policisë, ku ka tentuar të shmangë kapjen nga ana e tyre.

Ndërsa po punohet për identifikimin dhe kapjen e autorëve të tjerë, të cilët kanë mundur të largohen me shpejtësi nga vendngjarja me një automjet.

Nga ana e Policisë janë ngritur pika kontrolli, po bëhet krehja e zonës si edhe po kryhen veprime të tjera hetimore, të cilat do të ndihmojnë në zbardhjen e sqarimin e plotë të rrethanave të ngjarjes.