Ndiheni të rënduar nga ushqimi i tepërt që konsumuat për festat? Kjo është pija që largon toksinat nga trupi

Përgjatë festave të fundviti shumë prej nesh mund ta kemi tepruar me ushqimin, kush më shumë e kush më pak. Kjo ka bërë që organizmi jonë të rëndohet dhe trupit të ngarkohet me toksina. Por si t’ia bëjmë që të pastrojmë mëlçinë nga toksinat dhe të rifitojmë ndjesinë e lehtësisë?

Për këtë ju vjen në ndihmë lëngu i mollës. Molla është e pasur me fibra dhe përmban një lloj acidi që lufton mbetjet e ngurta. Pirja e lëngut të mollës është ideale për të pastruar mëlçinë në mënyrë natyrale dhe për të parandaluar çfarëdolloj infeksioni që mund të prekë këtë organ.

Për përgatitjen e këtij lëngu, ju duhet gjysmë kilogram mollë, gjysmë kokrre limoni, një lugë sheqer dhe pak ujë.

Lajini mirë mollët, pa i hequr lëkurën, prijini në copa dhe hidhini në frulator. Sipër shtoni lëngun e gjysmë kokrre limoni dhe dy gota ujë. Përzjejini mirë deri sa të jetë krijuar një masë homogjene. Preferohet që këtë lëng ta pini esëll në mëngjes.