LIGJET E BIZNESIT
Është ndarë nga jeta në mënyrë të parakohshme gjyqtari i Gjykatës së Rrethit Gjyqësor Tiranë, Martin Deda.
Lajmin e ka bërë me dije avokati Idajet Beqiri me anë të një postimi në rrjtet sociale.
“Lajm vërtet i rënd, i trisht, i pabesueshëm. Ndahet nga jeta gjyqtari i Gjykatës së Rrethit Gjyqësor Tiranë, Martin Deda! Iku një njeri i mirë, një njeri me zemër të bardhë, një mik i pazëvendësueshëm, një gjyqtar profesionist, i drejtë, njerëzor në vendimmarrje. Nuk kishte moshë për të ikur, ndaj ndihemi të pikëlluar. U prehësh në paqe miku im, të ndritët shpirti Martin Deda”, shkruan Beqiri në postimin e tij.
Martin Deda ka qenë hetues në Prokurorinë e Rrethit Tiranë për dhjetë vjet, zv/kryetar gjykate i Gjykatës së Rrethit Gjyqësor Tiranë për pesë vjet, ish anëtar i KLD-së, aktualisht gjyqtar i Gjykatës së Rrethit Gjyqësor Tiranë.
