LIGJET E BIZNESIT
Dalin detaje nga arratisja e Moisi Habilajt pas dënimit me 14 vite burg nga Gjykata e Katanias për akuzën e trafikut të lëndëve narkotike.
Ai u zhduk papritur nga banesa ku ishte duke vuajtur arrestin e shtëpisë.
Ndërkohë mediat italiane sqarojnë se telefoni i tij ka qenë për herë të fundit i aksesueshëm të shtunën dhe më pas vendi ku është arratisur trafikanti vlonjat mbetet një mister.
Habilaj po qendronte në një apartament i vogël në San Michele di Ganzaria në provincën e Catania, ndërsa ishte në arrestin e shtëpisë pa qenë i pajisur me një byzylyk elektronik. Tashmë Policia italiane e ka shpallur në kërkim Habilajn, edhe pse meridiano news raporton se lajmi nuk është bërë ende publik në faqen e Policisë.
Kanë qenë dy kontrolle të Policisë italiane ato që kanë vënë re se Habilaj nuk ishte në banesën ku ishte caktuar që të vuante masën e arrestit të shtëpisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ku ka shkuar Habilaj?
Avokatët që e mbrojnë atë përjashtojnë ekzekutimin e një urdhri ekstraktimi në Shqipëri, për të cilën mediat italiane thonë se ka pasur një proces gjyqsor të hapur.
Në fazat e hershme të gjykimit të shkallës së parë, Habilaj bashkëpunoi me drejtësinë, por nuk u bë kurrë bashkëpunëtor i saj. Ai pranoi pjesërisht akuzat, dhe kjo u vlerësua pozitivisht nga ana e gjyqtarëve, por nuk ndikoi në uljen e viteve të tij të dënimit, veçanërisht për shkak se ai kishte rolin e shefit të grupit kriminal.
Habilaj është kushëriri i ish-Ministrit të Brendshëm shqiptar Saimir Tahiri. Ndaj Tahirit procedimi nuk është mbyllur ende, dhe dëshmia e Habilajt përballë tij mund të ndryshonte edhe rrjedhën e çështjes.
