LIGJET E BIZNESIT
Pas zgjedhjeve të muajit nëntor ku bashkëshorti i saj Donald Trump nuk arriti të dilte fitues, Melani Trump ka vendosur të thyejë traditën e Shtëpisë së Bardhë.
Ajo ka vendosur që të mos presë zonjën e parë të ardhshme, Jill Biden, gruan e presidentit të 46 të SHBA, Joe Biden.
Mesa duket Melani Trump do të bëhet zonja e parë që nuk do ta ftojë gruan që do ta zëvendësojë atë në Shtëpinë e Bardhë për një shëtitje në banesat private në katet e dyta dhe të treta.
Kjo traditë ka filluar që në vitet 1950 kur Bess Truman priti zëvendësuesen e saj Mamie Eisenhower.
Kjo është një traditë e cila vazhdon edhe në rrethana të tensionuara politike.
Michelle Obama i dha turneun Melanisë menjëherë pasi Donald Trump fitoi presidencën.
Por turneu dhe çaji shoqërues zakonisht ndodhin kur presidenti në largim fton presidentin e ardhshëm në një takim në Zyrën Ovale. Presidenti Trump nuk ia ka dhënë atë ftesë Presidentit të zgjedhur Joe Biden.
