LIGJET E BIZNESIT
Në rrëfimin e tij mbrëmjen e sotme, Presidenti Ilir Meta ka treguar marrëdhëniet me ish-kryeministrat Sali Berisha dhe Fatos Nano.
Për “Opinion” Kreu i Shtetit ka thënë për Berishën se është kënaqësi të punosh me të, pasi nëse ai të thotë një gjë, nuk ka nevojë as pë të firmosur sepse i qëndron marrëveshjes.
Fevziu: Çfarë raportesh keni patur me Berishën?
Meta: Me Berishën ke kënaqësi të bashkëpunosh dhe luftosh.
Fevziu: Tani që nuk është aq aktiv, si do ta përkufizonit rolin e tij në politikë?
Meta: Roli i tij është rol historik, me merita historike, natyrisht ka dhe përgjegjësi historike. Për sa i takon 96-97 mund ta kishte menaxhuar më mirë. Berisha ndahet në 2, Berisha i parë dhe i dytë.
Fevziu: Cila është merita e Berishës?
Meta: Nëse thotë diçka nuk ka nevojë as për të firmosur, i qëndron marrëveshjes.
Ndër të tjera Meta ka folur edhe për raportet e tij me Fatos Nanon dhe arsyet e thyerjes mes tyre, duke u shprehur se gabimi i Nanos ishte që u dha tërësisht pas pushtetit.
Fevziu: Raportet tuaja me Nanon në 15 vite kanë qenë shumë kontradiktore. Diku jeni afruar diku jeni larguar. Çfarë nuk ka funksionuar mes jush?
Meta: Nuk besoj se ka qenë çështje e raporteve personale. Kemi bashkëpunuar dhe kemi patur debate për çështje të ndryshme, por besoj që në fund të ditës sjellja ime ndaj tij ka qenë shumë korrekte.
Fevziu: Përse u thyet me Nanon në 2004?
Meta: Unë e kam bërë të qartë, thyerja jonë erdhi për arsye se Nano, për arsye nga më të ndryshmet, humbi atë përkushtim që duhej për integrimin europian të vendit. Ne bëmë një marrëveshje, ai u bë Kryeministër unë Zv.Kryeministër dhe presidentin vendosëm ta zgjedhim bashkë me PD dhe unë do ta ndiqja marrëveshjen. Por sapo marrëveshja u bë, qeveria nuk po përmbushte ato angazhime që duhej të përmbushte.
Fevziu: Ishte i tensionuar takimi juaj i fundit?
Meta: Nuk mendoj se ishte i tensionaur, unë kam qenë i qartë.
