‘Lëviz me makinë 100 mijë euro’ Sandër Lleshaj padit në Gjykatën e Tiranës median që nxorri lajmin

Vetëm pak kohë pasi dha dorëheqjen, ish-ministri Sandër Lleshaj ka marrë një vendim të papritur.

Mësohet se ai ka depozituar një padi në Gjykatën e Tiranës, kundër mediave që nxorrën lajmin për makinën e tij tip “BMW”, që sipas tyre kushtonte rreth 100 mijë euro.

Sipas informacioneve për Faxweb.al, Lleshaj ka paditur konkretisht portalin CNA.al, i cili ishte dhe i pari që publikoi lajmin mbi makinën e ish-ministrit.

Bëhet me dije se në seancën gjyqësore që u zhvillua sot nuk ka patur pajtim mes palëve.