Lajm i mirë për përdoruesit e transportit publik, ja çfarë ka ndodhur me abonetë këtë muaj

Një lajm i mirë vjen për të gjithë përdoruesit e transportit publik.

Këtë muaj  çmimi i abonesë është ulur nga 16 mijë në 12 mijë lekë të vjetra.

Tashmë abonetë nuk shiten në kioska, siç ndodhte më parë por nga disa persona të paautorizuar në rrugë.

Sipas Shoqatës së Transportit Publik kjo gjë ka ndodhur, pasi në momentin që kompanitë kanë mungesë likuiditeti për shpenzimet ditore detyrohen të ulin çmimin.

Kujtojmë se më parë shoqata gjithashtu ka kërkuar vazhdimisht mbështetje me subvencione nga ana e qeverisë, por edhe pse transporti publik ka kaluar një periudhë të vështirë për shkak se qëndroi mbyllur për një kohë të gjatë si pasojë e pandemisë, e vetmja ndihmë që kanë marrë nga qeveria ka qenë paga e luftës.