“Kam dhe fëmijë” Përparim Ademi flet për lidhjen me 2 motrat, ja kë përdori si karrem për të hyrë në banesë

Vijojnë të dalin detaje të reja nga vrasja e dyfishtë e motrave Kristina Bardhi dhe Zhaneta Metani nga 59-vjeçari Përparim Ademi.

Ngjarja tronditëse ndodhi në mëngjesin e 31 dhjetorit të vitit që lamë pas.

Ndërkohë gazetarja Klodiana Lala ka zbardhur një pjesë të dëshmisë së tij para Gjykatës së Tiranës, teksa i është caktuar masa e sigurisë “arrest me burg.”

Autori ka pranuar faktin  se para 20 vitesh ka nisur një lidhje jashtëmartesore me Kristina Bardhin.

Më pas ai ka shtuar se është lidhur dhe me motrën e saj Zhaneta Metanin.

Ademi ka pretenduar para togave të zeza se ka he fëmijë me këtë të fundit, por nuk i ka regjistruar në gjendje civile. Ai ka thënë në gjykatë se ka bërë edhe udhëtime me dy motrat dhe gruan e tij në Pogradec dhe Greqi.

59-vjeçari ka martesë ligjore me një grua tjetër, e cila ka pranuar se i dinte lidhjet e te shoqit, madje kishte krijuar miqësi me dy motrat që të mos prishte familjen. Përparimi ka thënë që krimi ndodhi për arsye xhelozie, sepse kishte dyshime që Zhaneta kishte një marrëdhënie me dikë tjetër.

Përparim Ademi ka përdorur si karrem fëmijën e njërës prej motrave për të hyrë në banesën e dy motrave, të cilat me sa duket e kanë kuptuar rrezikun për shkak të tentativës së tyre për t’u ndarë përfundimisht me të.

Kur e kanë parë ardhjen e tij, dy motrat që po hanin bukë, kanë tentuar të mbyllin derën, por ka qëlluar me armë duke i lënë të vdekura në vend.

Përparim Ademi ka hapur zjarr fillimisht në derë dhe më pas ka qëlluar në drejtim të dy motrave.

Ai është shfaqur në gjendje të qetë sot në gjykatë, ndërsa rrezikon burgim të përjetshëm.