Iu sekuestruan 5 milion euro pasuri, zbardhen detaje nga aktiviteti kriminal i vëllezërve Marku

Vëllezërve Sokol dhe Elson Marku iu sekuestruan një pasuri prej 5 milion eurosh.

Ditën e sotme kanë dalë detaje të reja nga veprimtaria e tyre kriminale. Prokuroria e
Tiranës sekuestroi në cilësinë e provës materiale 18 makina, apartamente, biznese dhe lokale.

Sipas informacioneve për mediat, nga viti 2008 deri në vitin 2015 ata kanë përfituar transferta në vlera monetare të larta nga disa vende të BE, si Italia, Belgjika, Spanja, Suedia, Zvicra, Greqia dhe Franca.

Vëllezërit i investonin paratë në blerjen dhe tregtimin e makinave.

Transfertat:

Nga muaji mars i 2011 deri në mars të 2015, Sokol Marku ka përfituar 30 transferta me vlerë totale 12.316 euro, nga persona të ndryshëm.

Ndërsa nga korriku 2014 deri në gusht 2015, ka dërguar 1.127 euro në favor të tre personave, të afërt të tij drejt Italisë. Belgjikës, Spanjës dhe Suedisë.

Nga data 7 korrik deri në datën 14 korrik Elson Marku ka përfituar dy transferta, 1.633 franga zvicërane dhe 48.235 franga.

Përgjatë viteve 2008-2010 Sokol Marku ka përfituar 16.850 euro transferta. Nga muaji janar 2010, deri në muajin gusht 2015 ka përfituar 37 transferta në vlerë totale 17.850 euro nga shtetas të ndryshëm. Këto vlera janë futur nga Italia, Zvicra, Greqia, Gjermania dhe Franca.

Pasuria e tyre rezulton që të jetë regjistruar edhe në emër të personave të tretë, nga familja apo rrethi miqësor./newsbomb