Gjendet i vdekur në mes të rrugës një person

Një 64-vjeçar është gjetur pa shenja jete në mesin e rrugës në Korçë.

Kalimtarë të rastit kanë gjetur trupin e tij në lagjen nr.9. dhe më pas kanë lajmëruar policinë, që ka bërë identifikimin e tij.

Bëhet fjalë për Petrika Kovaçi, i cili nuk ka pasur shenja dhune në trup.

Nga informacioni paraprak i policisë, dyshohet se Kovaçi mund të ketë gjetur vdekjen për shkaqe natyrore.

Korçë/Informacion paraprak

Më datë 29.01.2021, rreth orës 19:45, në lagjen nr. 9, Korçë, në rrugë, është gjetur i pajetë shtetasi P. K., rreth 64 vjeç.

Nga kqyrja paraprake e trupit, nuk janë konstatuar shenja dhune dhe dyshohet se ky shtetas mund të ketë gjetur vdekjen nga shkaqe natyrale.

Po punohet për të përcaktuar shkaqet e vdekjes si dhe për të zbardhur rrethanat e ngjarjes.