“Ethet” e dimrit nga dëbora dhe akulli, shfaqen probleme me qarkullimin e mjeteve në këto akse rrugore

Pas reshjeve të shiut që shkaktuan edhe përmbytje në shumicën e vendit, moti i ftohtë ka përfshirë zonat malore.

Në qarkun e Dibrës ka pasur rënie të ndjeshme të temperaturave, duke sjellë edhe reshje dëbore. Kjo ka bërë që në orët e mbrëmjes rrugët të mbulohen nga akulli.

Kjo situatë ka sjellë vështirësi në qarkullimin e automjeteve, ku akset më problematike paraqiten në njësitë e thella të Bashkisë Dibër, si në Lurë, Kala e Dodës, Arras, Selishtë, Sall-Dardhë, Reç e Sllovë ku trashësia e borës varijon nga 10 deri në 20 centimetra.

E njëjta situatë është edhe në njësitë Administrative Trebisht, Martanesh dhe Tërnovë. Ndërkohë rrugët nacionale Peshkopi-Tiranë dhe Peshkopi-Kukës janë të kalueshme pa problem.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern