E zbulon për herë të parë/ Kryemadhi tregon si do garojë PD dhe LSI më 25 prill: Do marrim 100 mandate

Mbrëmjen e sotme kryetarja e LSI Monika Kryemadhi ka zbuluar për herë të parë se partia që ajo drejton dhe PS do të hyjnë bashkë në zona të caktuara në zgjedhjet e 25 prillit.

Sipas saj, kjo do të bëhet pasi në zona të caktuara PD dobësohet nëse del me listën e saj të vetme.

Gjithashtu Kryemadhi shprehet me bindje se opozita e bashkuar do të arrijë të marrë 100 mandate.

“Sot kushdo, edhe nga varri të ngrihet, nëse bashkëpunon me Edi Ramën, shqiptarët do ta dërrmojnë, qoftë edhe Monika Kryemadhi, Sali Berisha apo Ilir Meta. Koalicioni me PD-në në 2009 ishte jonatyral, pasi ne jemi parti e majtë dhe ata të djathtë.Me një listë, në zona të caktuara dobësohet PD-ja, jo LSI. Në zona të caktuara PD dhe LSI do të hyjnë bashkë. Me dy lista opozita e bashkuar merr 100 mandate”, tha Kryemadhi për Syri TV.