E rëndë/ I futet ish-të dashurës në shtëpi dhe e p*rdhunon, arrestohet 30 vjeçari në Tiranë

Policia e Tiranës ka arrestuar ditën e sotme një 30-vjeçar i cili akuzohet për disa vepra penale, mes të cilave dhe p ërdhunim.

Mësohet se ai është identifikuar si shtetasi Ledion Spahiu, që njihej dhe me emrin Besmir Kurtdeda.

Ky person ra në pranga  nga specialistët për Hetimin e Krimit në Komisariatin e Policisë Nr. 2 pasi ka konsumuar veprat penale “Dhuna në familje”, “Marrëdhënie seksuale me dhunë me të rritura” dhe “Heqja e paligjshme e lirisë”, thuhet në njoftimin e policisë, që nuk jep të tjera detaje rreth rastit në fjalë.

Ndërkohë, burime policore bëjnë me dije se arrestimit i të riut erdhi pas denoncimit të një vajze në polici.

Kjo e fundit, sipas burimeve, ka thënë se paraditen e djeshme, personi në fjalë, me të cilin në të kaluarin ka pasur një histori romantike, i ka shkuar në banesë. Vajza ka thënë më tej se pa dëshirën e saj, ai ka kryer marrëdhënie intime me të.

Pas kallëzimit, efektivët janë vënë në kërkim të të riut dhe e kanë arrestuar.