E bujshme/ Nuk ndalet Becchetti, konfiskon pasuritë e Shqipërisë në kompaninë e njohur, ja sa është shuma

Një lajm i bujshëm vjen nga gazeta e njohur belge L’Echo.

Sipas kësaj medieje, bëhet me dije se ka nisur konfiskimi i pasurive shqiptare nëpër botë për llogari të biznesmenit të njohur italian Francesco Bechetti, për shkak të gjyqit që ky i fundit ka fituar me Shqipërinë.

Gjithashtu në artikull thuhet se avokatët e biznesmenit kanë fituar të drejtën për ti konfiskuar Shqipërisë pasurinë në kompaninë Eurocontrol.

Eurocontrol është një institucion europian përgjegjës për mbledhjen e pagesave nga linjat ajrore që fluturojnë në vende të ndryshme, ndërkohë që edhe Shqipëria është anëtar mes 41 vendeve.

Gjatë muajit dhjetor janë sekuestruar 170 mijë euro, një shifër e vogël por duhet marrë parasysh se fluturimet kanë qenë të ndaluara, ndaj me shtimin e fluturimeve do të rritet edhe shuma e konfiskuar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Shqipëria e mbrojtuar nga avokatët Jean-François Goffin dhe Jean-Luc Hagon do ta kundërshtojë këtë konfiskim, pasi besojnë se honoraret e paguara nga Eurocontrol ndaj homologut të tij shqiptar (Albcontrol) i nënshtrohen imunitetit dhe nuk mund të konfiskohen.

Kujtojmë se Francesco Becchetti ka fituar gjyqin me Shqipërinë, me vendin tonë që i detyrohet 107 milionë euro për t’ia paguar biznesmenit Italian.