Duan të mbrohen nga virusi/ Mbretëresha Elizabeth dhe Princ Philipi bëjnë vaksinën

Mbretëresha e Britanisë së Madhe Elizabeth II 94 vjeç dhe burri i saj Princ Philipi 99 vjeç kanë bërë vaksinën kundër C OVID19.

Lajmin e ka bërë të ditur Pallati Mbretëror ditën e sotme.

Sipas Reutersit një burim mbretëror tha se vaksinat u administruan nga një mjek i familjes në vendbanimin e mbretëreshës.

Lajmi u bë publik për të kundërshtuar spekulimet që mund të vinin nga jashtë.

Ndërkohë ende nuk dihet nëse vaksina ka zhvilluar ndonjë reaksion tek çifti mbretëror.

Mbretëria e Bashkuar është vendi më i prekur në Europë nga koronavirusi, me mbi 3 milionë të infektuar dhe mbi 80,000 viktima.

Kryeministri britanik, Boris Johnson, është zotuar se, nga 15 janari, në Angli do të jepen “qindra-mijëra vaksina” në ditë.