LIGJET E BIZNESIT
Ish-deputeti Mark Marku do të mbajë detyrën e drejtuesit politik në PD për Lezhën në kuadër të fushatës elektorale për zgjedhjet e 25 prillit.
Ndërkohë ai ka komentuar sot videon që kryeministri Edi Rama publikoi, ku Marku shfaqej duke debatuar ashpër me socialistin Musa Ulqini.
Madje në studio u përdorën edhe shprehje si “Do të hedh shishen në kokë”.
Marku tha se të gjithëve ju ndodh të dalin nga vetja, ndërsa shtoi se vetë kryeministri Rama ka bërë me qindra gjeste të pahijshme. Mes të tjerash, Marku theksoi se deklaratat e tij ndaj Ulqinit nuk kanë pasur asnjë qëllim për pushtet dhe koha do ta tregojë një gjë të tillë.
“Edi Rama ka bërë vetë me qindra gjeste të pahijshme. Jemi njerëz, edhe ndodh të dalim nga vetja. S’do bëja as lëvizjen më të vogël, s’do dilja nga dera e shtëpisë, për një post. Faktet do ta tregojnë që s’kam pasur asnjë qëllim. Do jemi këtu, do jemi bashkë, dhe do ta shohim. Ruhesha shumë të mos thoja gjëra, sepse nuk doja të sulmohej opozita. Kur ishim në qeveri, isha deputet dhe nuk thoja kurrë asgjë. Edhe kur më pyetën për akuzat ndaj opozitës së asaj kohe, thashë janë thjesht akuza. Madje, kur shkova në komision më thanë ‘bravo të qoftë, si e thua atë, kur mund të thoje që ata janë të korruptuar, kriminelë’”, tha Marku.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
