Dita e fundit si ministre e Mbrojtjes/ Kjo është lëvizja e papritur e Olta Xhaçkës

Në ditën e saj të fundit si ministre e Mbrojtjes, Olta Xhaçka ka mbajtur sot një videokonferencë me ushtarakët në misione paqeruajtëse dhe zyrtarë të lartë të NATO-s.

Kjo konferencë online është traditë e përvitshme në çdo Vit të Ri.

Xhaçka e ka zhvilluar në ditën e fundit të saj si ministre e Mbrojtjes.

Kujtojmë që nesër ajo do të votohet në Kuvend si ministrja e re e Jashtme.

Xhaçka ka deklaruar se pavarësisht se nuk do të jetë më në krye të detyrës do të jetë një mike shumë e mirë dhe avokatja më e flaktë e Forcave të Armatosura.

“Tek unë do të keni gjithmonë, përveçse një mike shumë të mirë edhe avokaten tuaj më të flaktë”, u shpreh ajo gjatë bisedës.

Në takimin online, ku kanë marrë pjesë drejtues të forcave, shefi i Shtabit të Përgjithshëm të FA, gjeneralmajor prof.  asoc.  Bajram Begaj,  ka siguruar vijimin e vëmendjes për efektivët dhe familjarët e tyre.  Aktualisht FA përfaqësohet me 200 efektivë në kuadër të misioneve të NATO-s dhe BE-së në disa vende të botës.