Dikur ish-kryebashkiak/ Lulzim Basha i jep postin e rëndësishëm Xhelal Mziut tre muaj para zgjedhjeve

Zhvillime të forta vinë së fundmi nga Partia Demokratike.

Mësohet se kjo forcë politike ka caktuar drejtuesit në qarqe në kohën që kanë mbetur më pak se tre muaj nga zgjedhjet e 25 prillit.

Ndërkohë sot PD ka zyrtarizuar sot ish-kryebashkiakun e Kamzës Xhelal Mziu si drejtues politik në qarkun e Dibrës.

Deri tani Lulzim Basha ka zyrtarizuar disa nga drejtuesit politikë në qarqe, nga Shkodra ku do të jetë Helidon Bushati, Gazmend Bardhi në Elbasan, Enkelejd Alibeaj në Fier, Bujar Leskaj në Vlorë, Edi Paloka në Durrës dhe Mark Marku në Lezhë.