‘Çmendet’ moti në Spanjë/ Stuhia e dëborës përfshin vendin, pas 3 viktimave qeveria lëshon apelin e fortë

Spanja është përfshirë ditët e fundit nga një stuhi e fortë dëbore.

Një mot i tillë nuk është parë që prej 50 vitesh.

Për pasojë kanë humbur jetën 3 njerëz dhe qeveria spanjolle i ka bërë thirrje qytetarëve që të qëndrojnë në shtëpi.

Ndërkohë dje stuhia “Filomena” goditi Spanjën, duke sjellë reshje dëbore që nuk janë parë në Madrid që nga viti 1971.

Në disa zona të Madridit shtresa e borës ka shkuar në 50 cm.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Viktimat, një burrë dhe një grua u mbytën pranë qytetit Andalucian, të Fuengirola, pasi makina e tyre u mor nga rrjedha e një lumi në orët e para të ditës së sotme, ndërsa një tjetër burrë vdiq në fshatin Zarzalejo, në rajonin e Madridit pasi u bllokua nga dëbora.

Aeroporti Barajas në Madrid u mbyll, shërbimet e trenave brenda dhe jashtë kryeqytetit u anuluan dhe shërbimet e emergjencës dhe ekipet e shpëtimit ushtarak punuan për të liruar automjetët e bllokuar dhe për të pastruar rrugët kryesore.