Cilat janë efektet që viruset shkaktojnë në tru? Ja zbulimet që kanë bërë shkencëtarët ndër vite

Pandemitë kanë ekzistuar që në kohët e hershme të njerëzimit.

Por mjekët kanë vënë re që bashkë me simptomat e zakonshme, ato të frymëmarrjes, viruset shkaktonin dhe simptoma neurologjike.

Në fund të viteve 1800, një specialist britanik i frymëmarrjes vuri re se gripi dukej se nxiste çrregullime në pjesë të ndryshme të trupit.

Në të vërtetë, disa pacientë gjatë pandemisë së gripit 1889–1892 thuhet se u goditën me psikoza, paranojë, dhimbje therëse dhe dëmtime nervore.

Në mënyrë të ngjashme, studiuesit kanë lidhur pandeminë e gripit të vitit 1918 me parkinsonin, çrregullimet neuropsikiatrike dhe një shpërthim të përgjithshëm të “sëmundjes së gjumit” të encefalitit lethargica, i cili shpesh do t’i çonte pacientët në një gjendje të ngjashme me koma edhe pse studiuesit ende debatojnë nëse të dy janë shkaktarë të lidhur.