LIGJET E BIZNESIT
Ditët e para të janarit është vërejtur një trend në ulje të rasteve të COVID-19. Një ulje, që për epidemiologun Ilir Alimehmeti shkon përtej bilancit ditor.
Duke iu referuar Tiranës, si vatra më e nxehtë e përhapjes së virusit, epidemiologu shprehet se është arritur një imunitet mbrojtjeje në kryeqytet, por sërish ai apelon për kujdes duke respektuar masat.
“Ka ulje në shumë indikatorë, çka do të thotë qe ka ulje reale, nuk është thjesht ulja e rasteve te reja, por përqindja e rasteve pozitive. Në 1 dhjetor ishim në kuotën e 33.2%, sot jemi te 19%, pra ka përgjysmim. Vihet re një rënie në Tiranë, që tregon rënien e vazhdueshme. Dinamikat e popullatës në shtetet e mëdha ndryshojnë nga vendet e vogla.
Në Tirane ka të bëj dhe qarkullon gjysma e popullatës, e njëjta gjë edhe në Kosove me Prishtinën. Si rrjedhojë një përqindje e rëndësishme e ka kaluar në mënyrë natyrore virusin, një pjesë tjetër është e izoluar, duke arritur një imunitet mburojë, ku ata që e kaluan COVID-19 dhe janë aktivë në jetë shndërrohen në mburojë për ata që janë në shtëpi”, tha Alimehmeti për “A2”.
Studimi i Akademisë së Shkencave flet për 50% të qytetarëve të kryeqytetit që kanë kaluar virusin pandemik, një studim domethënës për epidemiologun, por që pret konfirmime.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Një studim shoqërohet me një interval besueshmërie, por që është i ngushtë. Presim publikimin shkencor dhe oponencën, për momentin kemi vetëm një deklarate, por është gjithsesi një indikacion i rëndësishëm, por një shifër 49.6% duhet marrë në konsideratë”, tha ai.
Por kjo shifër, dhe arritja e një imuniteti mburojë, nuk duhet sipas tij të krijojë iluzionin që gjithçka ka mbaruar dhe të ketë lëshime në masat parandaluese. Nga fronti i vaksinave, për të, lajmi i mirë vjen nga fakti qederi më tani mutacione te shumta të SARS-coV-2 , veçanërisht ai britanik, nuk e ulin funksionalitetin e saj./CNA.al
