Arrestohet mashtruesi nga Tirana/ Si arriti ti merrte 270 mijë euro një gruaje

Policia e Tiranës ka vënë në pranga një 51-vjeçar pasi me anë të mashtrimit i kishte marrë një shumë prej 270 mijë eurosh një shtetaseje në vitin 2017.

Ndërkohë ende nuk dihet se cili ka qenë ekzaktësisht lloji i mashtrimit që ky person ka përdorur për zhvatjen e kësaj shumë të madhe parash.

“Specialistët e Seksionit për Hetimin e Krimit Ekonomik dhe Financiar bënë ndalimin e shtetasit A. A., 51 vjeç, pasi në vitin 2017, me anë të mashtrimit, i ka përvetësuar shumën 270.000 euro, për të cilat nuk i ka lëshuar as faturë tatimore, shtetases S. B.

Materialet i kaluan Prokurorisë së Rrethit Gjyqësor Tiranë, për veprime të mëtejshme”, njofton Policia e Tiranës.