Acari ‘mbërthen’ Shqipërinë/ Del njoftimi, ja si do të jetë moti ditët në vijim

Prej ditësh, vendi ynë ndodhet nën ndikimin e masave ajrore të ftohta, të cilat do të mbeten prezente edhe në vijim duke sjellë temperatura të ulëta dhe reshje dëbore.

Dita e shtunë do të karakterizohet kryesisht nga mot me alternime kthjellimesh dhe vranësira, të cilat në zonat malore do të pasohen nga reshje bore, raporton Shërbimi Meterologjik Ushtarak. Në juglindje reshjet e borë parashikohen të kenë intensitet deri në atë mesatar.

Dita e diel do të ketë mot të kthjellët dhe vranësira kalimtare. Reshjet e borës do të jenë me intensitet të ulët të karakterit lokal vetëm në zonat malore në veri të vendit.

Dita e hënë do të ketë mot të kthjellët por shumë të ftohtë.