A kanë patur efekte anësore? Eugena Tomini tregon çfarë ka ndodhur me personat e parë që janë vaksinuar

Kryeministri Edi Rama u shpreh sot se ka gjasa që dozat e vaksinës të nënshkruara me kompaninë “Pfizer” të mos arrijnë në Shqipëri këtë javë.

Ndërkohë shefja e mbikëqyrjes në ISHP Eugena Tomoni konfirmoi se kjo vonesë nuk do të ndikojë aspak në strategjinë e injektimit të vaksinave.

“Nuk do të ndodhë asnjë ndryshim në strategjinë e vaksinave për vetë faktin se po vaksinohet vija e parë dhe ndërkohë në vijueshmëri do ecim me strategjinë aktuale”, tha ajo.

Tomini gjithashtu tha se deri tani në Shqipëri numërohen 483 persona, të cilët kanë marrë dozën e parë të vaksinës Pfizer. Pyetur nëse ka pasur raste që vaksina ka shkaktuar efekte anësore, ajo e mohoi një gjë të tillë.

“Deri tani janë 483 persona, të cilët janë vaksinuar me dozën e parë të vaksinës Pfizer. Deri tani në këto momente sa i përket aplikimit të vaksinës nuk kemi pasur efekte anësore”, tha Eugena Tomini.