LIGJET E BIZNESIT
Një nga faktet e pakundërshtueshme me të cilat përballet njeriu është se një ditë do të largohet nga jeta.
Por edhe pse kjo gjë e mundon jo rrallë herë, një nga pyetjet që ja bën shpesh vetes është se nëse ka jetë pas vdekjes.
Së fundmi një multimilioner nga Las Vegas, ka vendosur të ofrojë 1 milion dollarë shpërblim për të gjetur përgjigjen e kësaj pyetjeje.
Robert Bigelow, 75 vjeç, i cili është pronari i “Budget Suites” në Amerikë, në muajin qershor themeloi Institutin Bigeloë për studimin e vetëdijes.
Ai njoftoi një konkurs ku shkencëtarët që do të marrin pjesë duhet të jenë të informuar mbi fushën e neurologjisë dhe psikologjisë.
Kandidatët duhet të paraqesin deri më 1 gusht një tezë prej 25,000 fjalësh, ku të argumentojnë nëse shpirti jeton edhe pasi trupi vdes.
Përgjigjet do të shqyrtohen me kujdes nga një grup shkencëtarësh të mjekësisë dhe fituesi do të shpallet më 1 nëntor.
