Varianti i ri i ko ronavirusit që po i tremb të gjithë, OBSH del me deklaratën e rëndësishme

Një variant i ri i k oronavirusit që po shfaqet së fundmi në Britaninë e Madhe, ka vënë gjithë botën në alarm.

Por ky fenomen po studiohet dhe nga Organizata Botërore e Shëndetësisë.

Sipas këtij institucioni, nuk ka ende prova se variantet  e reja janë më vdekjeprurëse ose më të rënda se variantet ekzistuese.

Gjatë sesionit të rregullt të informimit që kjo organizatë jep nga selia e saj në Bruksel të Belgjikës, zyrtarët u shprehen se vazhdojnë të marrin të dhëna për variantet dhe ka raportime se varianti i ri në Angli mund të jetë më ngjitës.

Drejtori i Përgjithshëm i OBSH-së, Tedros Adhanom Ghebreyesus tha për gazetarët se organizata po punon me shkencëtarë për të kuptuar se si ndryshimet gjenetike të virusit ndikojnë tek reagimi i tij në organizmin e njeriut.

Ai theksoi se nuk ka asgjë që çuditshme nga shfaqja e varianteve të reja: “Viruset pësojnë mutacione gjithë kohës, është diçka e natyrshme dhe e pritshme”.

Zoti Tedros tha se parandalimi i përhapjes së këtyre varianteve është arma më e mirë.