LIGJET E BIZNESIT
Pasi ka thyer orën policore të vendosur nga autoritetet e Shëndetësisë, ministri i Drejtësisë në Kosovë Selim Selimi është ndëshkuar me masë administrative gjobë.
Lajmin e ka bërë të ditur vetë ai me anë të një reagimi në rrjetet sociale.
Selimi shprehet se dhe pse personeli i drejtësisë është i përjashtuar nga rregulli për lëvizje pas orës 19:00, e ka paguar dënimin për shkak të sjelljes së policisë.
“Është i vërtetë lajmi që sot jam dënuar për thyerje të masave qeveritare për pandeminë. Edhe pse sipas pikës 25.1 të vendimit për masa për mbrojtjen nga pandemia COVID-19, nga kufizimi i lëvizjes pas orës 19:00 janë të përjashtuar personeli i drejtësisë, kam pranuar ta paguaj dënimin, për shkak të sjelljes profesionale të pjesëtarëve të Policisë së Kosovës, Gentianit dhe ekipës së tij.
Kosova ka një polici të respektuar dhe dënimi i shqiptuar ndaj meje dëshmon se në shtetin tonë askush nuk është mbi ligjin”, ka shkruar Selim Selimi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
