LIGJET E BIZNESIT
Një ngjarje e rëndë ka ndodhur sot në Tiranë.
Mësohet se një efektiv i FNSH është vrarë aksidentalisht nga djali i tij i mitur.
Ngjarja tragjike ndodhi afër një lokali në zonën e Saukut të vjetër, ku polici Roland Bicerri, 39-vjeç, ishte duke luajtur bilardo me disa miqtë e tij.
Sipas informacioneve, në atë moment i biri 7-vjeçar ka marrë armën e shërbimit dhe e ka shkrepur një herë, plumb që ka rezultuar fatal për të atin e tij.
Kamerat e lokalit pritet të hedhin më tepër dritë mbi dinamikën e ngjarjes, dhe mënyrën se si efektivi i policisë e hoqi armën për ta vendosur mbi tavolinë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
NJOFTIMI ZYRTAR I POLICISE
Më datë 20.12.2020, rreth orës 13:25, në rrugën “Shyqyri Brari”, pranë Kopështit Zoologjik, dyshohet se aksidentalisht nga djali i tij i mitur është plagosur punonjesi i policisë i FNSh-së, shtetasi R. B, i cili si pasojë e plagës së marrë ka ndërruar jetë.
Grupi Hetimor dhe sherbimet e Policisë ndodhen në vendngjarje dhe vijon puna për sqarimin e plotë të rrethanave të ngjarjes. Veprimet hetimore po kryhen nën drejtimin e Prokurorit, nga SHÇBA dhe strukturat hetimore të DVP Tiranë.
