Sulm i frikshëm në Gjermani/ Makina futet në mes të turmës, dy të vdekur e 10 të plagosur

Një sulm i frikshëm ka ndodhur sot në Trier të Gjermanisë.

Mësohet se një makinë ka hyrë në një zonë këmbësorësh dhe ka përplasur njerëzit që ndodheshin aty.

Sipas asaj që raporton media vendase Bild, të paktën 2 persona kanë humbur jetën dhe 10 të tjerë janë plagosur.

Nga të dhënat e para bëhet me dije se shoferi është arrestuar nga policia.

Kreu i zyrës së shtypit të policisë në Trier, tha për BILD Uëe Konz se: ‘Makina u fut në zonën e këmbësorëve, disa njerëz u plagosën. Mjekët janë aktualisht në vend. Nuk mund të themi asgjë nëse është një sulm terrorist apo diçka e ngjashme’.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Makina thuhet të jetë një Range Rover i errët. Sipas dëshmitarëve, ‘njerëzit fluturuan në ajër’.

Pas ngjarjes së rëndë disa pjesë të qendrës së qytetit janë rrethuar nga policia.

#Trier– Die Fesnahme pic.twitter.com/flzIFsgjBG

— Nikias Galanis (@NikiasGalanis) December 1, 2020