LIGJET E BIZNESIT
Sot në Vlorë policia zhvilloi një aksion të befasishëm kundër kultivimit të kanabisit.
Për pasojë u arrestuan 28 persona dhe u shpallën në kërkim dy të tjerë.
Operacioni nisi nga prokuroria e Vlorës dhe hetimi policor përmes përgjimeve të të dyshuarve për disa muaj, deri në arrestimet e ditës së sotme.
Aksioni u përqëndrua në zonën e Vlorës dhe Himarës, specifikisht në fshatrat Kuc –Nivicë.
Pas kësaj ka reaguar dhe ministri i Brendshëm në detyrë Sandër Lleshaj, i cili shprehet me superlativa për punën e Policisë së Shtetit dhe bashkëpunimin me partnerët ndërkombëtarë. Lleshaj bën me dije se mes të arrestuarve është edhe një punonjës i SHÇBA-së.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
REAGIMI I PLOTE
Ndarja e Shqipërisë nga kanabisi
Sot Italia konfirmoi një arritje të madhe të Shqipërisë. 2020-ta shënon vitin me minimumin e sasisë së kanabisit të trafikuar drejt Italisë nga Shqipëria: 37% më pak nga 2019.
Arsyet e këtij suksesi historik gjenden tek shumë faktorë, ku po veçoj: Vullneti i paepur politik; Angazhimi i fortë policor; Bashkëpunimi ndërkombëtar, ku spikat ai me Italinë.
Operacioni i sotëm i SHÇBA-së dhe PSH në Vlorë, ku u shkatërrua një rrjet prej 41 personash, përfshirë edhe punonjës të Policisë, është vetëm një shembull që tregon se përse kemi arritur tek ky sukses që duhet të bëjë krenar të gjithë ata që kanë luftuar për këtë qëllim madhor.
Faleminderit Italisë për pjesëmarrjen në këtë fitore të rëndësishme.
